اہل بیت سے محبت
ایمان کامل کی نشانی
*مولانا حسن رضا خان صاحب رحمۃ اللّٰہ علیہ کی زمین میں*
ہر صحابی ہے یقیناً مدح خوان _ اہل _ بیت
ہے سبھی کے دل میں حب _ خاندان _اہل _ بیت
اپنے آقا کی قرابت جن کو ہے محبوب تر
حضرت صدیق ہیں وہ قدر دان _ اہل _ بیت
بدریوں جتنا وظیفہ طے کیا حسنین کا
ہے عمر کے دل میں حب_ دودمان_اہل _ بیت
تحفتا اپنی زرہ حیدر کو دی عثمان نے
عشق یوں رکھتے ہیں دل میں عاشقان _ اہل _ بیت
کچھ تو رکھتے اپنے آقا کی قرابت کا خیال
کس قدر کم ظرف ہیں سب دشمنان _ اہل _ بیت
آزمائش تھی نرالی آل _ زہرا کے لیے
ساری دنیا سے جدا ہے امتحان_ اہل_بیت
حضرت _ زہرا سے ہی نسل _ نبی پیدا ہوئی
آپ سے ہی ہے مہکتا گلستان_ اہل_ بیت
بالیقیں حسنین کے خادم ہیں جنت کے جواں
بالیقیں جنت ہے بہر _ خادمان _ اہل_ بیت
بانٹتی ہے روشنی دنیا میں اولاد _ بتول
کیا ہی روشن ہیں نجوم _ آسمان_ اہل _ بیت
خوب سکھلایا حسن نے ذکر _ آل _ مصطفیٰ
"یوں کہا کرتے ہیں سنی داستان_ اہل_ بیت"
بے خبر کوئی بتا سکتا نہیں شان_ علی
سن صحابہ سے اے بابر! فضل و شان _ اہل _ بیت
بابر حسین بابر
دارالعلوم محمدیہ غوثیہ بھیرہ شریف
